اسلام آباد: سی ڈی اے ڈیویلپمنٹ ورکنگ پارٹی نے اسلام آباد کے انفراسٹرکچر ڈویلپمنٹ کے لیے پانچ بڑے منصوبوں کے پی سی ون کی منظوری دے دی۔ علاوہ اس کے ایک منصوبے کے پی سی ٹو کی منظوری بھی دی گئی۔
یہ منظوری چیرمین سی ڈی اے عامر احمد علی کی زیرِ صدارت ایک اجلاس میں دی گئی۔
ایک منصوبہ آئی جے پی روڈ کی کشادگی اور تعمیرِ نو کا ہے۔ اس سڑک پر تین فلائی اوور تعمیر کیے جائیں گے اور اس کی مکمل لاگت 6 ارب 99 کروڑ روپے ہوگی۔
نائنتھ ایوینو اور اسٹیڈیم روڈ کو ملانے والے چوک پر ایک فلائی اوور کی تعمیر کی جائے گی، ایک فلائی اوور کی تعمیر پیر ودھائی کے سامنے فقیر ایپی روڈ کی کراسنگ پر کی جائے گی، ٹینتھ ایوینو کی کراسنگ کے لیے بھی ایک فلائی اوور کی تعمیر منظور شدہ منصوبوں میں شامل ہے۔
علاوہ اِس کے سی ڈی اے نے اسلام آباد ایکسپریس وے پر لگائے گئے قائدِ اعظم کی یادگار پورٹریٹ کی بھی دوبارہ تعمیر کا فیصلہ کرلیا۔ اس پر پانچ کروڑ 60 لاکھ روپے خرچ کیے جائیں گے اور اب اس کی بار اس کے گرد ایک حفاظتی پٹی بھی قائم کی جائے گی۔
وزیرِ اعظم کے پیش کردہ اصلاحات پروگرام کے تحت بائیس اسکولوں میں نئے کلاس رومز کی تعمیر کی بھی اجلاس میں منظوری دی گئی۔
مذید خبروں اور اپڈیٹس کے لئے وزٹ کیجئے گرانہ بلاگ۔
