اسلام آباد: کیپیٹل ڈویلپمنٹ اتھارٹی (سی ڈی اے) نے سال 2022 کے دوران اسلام آباد کے متعدد سیکٹرز میں مختلف سرکاری عمارتوں اور رہائش گاہوں کی مرمت اور دیکھ بھال میں سرمایہ کاری کی ہے۔
تفصیلات کے مطابق حکومت نے مرمت اور دیکھ بھال کے مختلف کاموں کو انجام دینے کے لیے خاطر خواہ فنڈز جاری کیے تھے۔ جس سے دارالحکومت کو خوبصورت بنانے میں مدد ملی ہے۔ حکومت کی جانب سے غیر ملکی معززین اور شہریوں کو راغب کرنے کے لیے ایسے اقدامات کیے گئے ہیں۔
مزید یہ کہ، سی ڈی اے ماحولیات کے تحفظ اور صفائی ستھرائی کی مد میں ویسٹ مینجمنٹ کے لیے ایک نئے اور جدید طریقہ کار کی منصوبہ بندی کر رہا ہے۔
کیپٹل ڈویلپمنٹ اتھارٹی نے اس مقصد کے لیے سیکٹر I-12 مختص کیا ہے اور اسے سی ڈی اے پلاننگ ونگ نے محفوظ کیا تھا۔
مزید خبروں اور اپڈیٹس کیلئے وزٹ کیجئے گرانہ بلاگ۔
