اسلام آباد: کیپیٹل ڈیولپمنٹ اتھارٹی (سی ڈی اے) کے 13 کمرشل پلاٹ 20.35 ارب روپے میں نیلام ہوگئے۔
سی ڈی اے کے کمرشل پلاٹس کے نیلام عام کا انعقاد 2 دن یعنی 4 اور 5 اگست کو جناح کنوینشن سینٹر میں کیا جارہا ہے۔
کل اس آکشن کا پہلا روز تھا جس میں 13 کمرشل پلاٹوں کے عوض سی ڈی اے کو 20.35 ارب روپے کی آمدن ہوئی۔
تفصیلات کے مطابق آئی ایٹ مرکز کے 4 پلاٹ نیلام ہوئے جس میں پلاٹ نمبر 53 کو 6.5 ارب روپے میں نیلام کیا گیا۔
سی ڈی اے کا کہنا ہے کہ نیلامی میں فسیلیٹیشن ٹیم کا بھی بندوبست کیا گیا ہے جو کہ سرمایہ کاروں کو مختلف امور پر گائیڈنس فراہم کرے گی۔
اسی طرح بولی کی منظوری کی صورت میں 25 فیصد بڈ اماؤنٹ 30 دنوں کے اندر جمع کروائی جائے گی اور ایڈوانس ٹیکس پرو ریٹا بنیادوں پر لیا جائے گا۔
سی ڈی اے کا کہنا ہے کہ پوری پیمنٹ کی صورت میں تعمیر کا فوری آغاز ہوسکے گا اور منظوری کی دستاویز کے 30 دنوں کے اندر مکمل رقم کی ادائیگی پر 10 فیصد رعایت دی جائے گی۔
مزید خبروں اور اپڈیٹس کے وزٹ کیجئے گرانہ بلاگ۔
