اسلام آباد: کیپیٹل ڈیویلپمنٹ اتھارٹی (سی ڈی اے ) نے سرکاری اراضی پر قابض ہاؤسنگ سوسائٹیز کو نوٹسز ارسال کردیئے گئے ہیں۔
اِن سوسائٹیز کو سرکاری اراضی پر غیر قانونی تعمیرات اور تجاوزات سمیت نالوں کی زمین پر قبضہ کرنے کی وجہ سے نوٹسز جاری کئے ہیں۔
علاوہ ازیں سرکاری اراضی پر قابض متعدد مارکیز کو بھی نوٹس جاری کیے گئے ہیں۔
سی ڈی اے کے ڈائریکٹر لینڈ افنان عالم کے مطابق جنگلات کی کٹائی اور ماحولیاتی آلودگی کے تدارک کیلئے بھی متعدد نوٹس جاری کئے گئے ہیں۔
یہاں یہ بات قابلِ ذکر ہے کہ نوٹسز میں مذکورہ سوسائٹیز کو ایک ہفتے میں جواب جمع کروانے کی ہدایت کی گئی ہے، جس کے بعد تعمیرات گرا کر سرکاری اراضی کو واگزار کرایا جائے گا۔ یاد رہے کہ جواب نہ آنے کی صورت میں جرمانے اور چالان سمیت سخت قانونی کارروائی عمل میں لائی جائے گی۔
مزید خبروں اور اپڈیٹس کیلئے وزٹ کیجئے گرانہ بلاگ۔
