اسلام آباد: ماسٹر پلان کمیشن اسلام آباد نے وفاقی دارالحکومت کے سبز احاطوں کے تحفظ کیلئے تمام تر وسائل بروئے کار لانے کا فیصلہ کرلیا۔
تفصیلات کے مطابق پیر کے روز چیئرمین عامر احمد علی کے زیرِ صدارت ماسٹر پلان کمیشن کا اجلاس ہوا جس میں فیصلہ کیا گیا کہ اسلام آباد کے زون تھری اور فور میں سبز احاطوں کے تحفظ کے لیے تمام تر اقدامات لیے جائیں گے۔
اس کمیشن کا قیام اس لیے کیا گیا تاکہ اسلام آباد کے ماسٹر پلان میں تبدیلیوں پر اظہارِ خیال کیا جائے۔
اس کمیشن کا اجلاس ہر ہفتے ہوتا ہے جس کے لیے ممبران کی 51 فیصد حاضری ضروری ہوتی ہے۔
اجلاس میں یہ فیصلہ بھی کیا گیا کہ ماسٹر پلان میں ہر تبدیلی دو تہائی اکثریت کی صورت میں کی جائیگی۔
مزید خبروں اور اپڈیٹس کے لیے وزٹ کیجئے گرانہ بلاگ۔
