اسلام آباد: مون سون کی بارشوں کے باعث وفاقی دارالحکومت اسلام آباد میں سیلابی صورتحال سے ہونے والے نقصانات کے پیش نظر کیپیٹل ڈیولپمنٹ اتھارٹی (سی ڈی اے) نے سیکٹر ای-11 میں خلاف ضابطہ تعمیر شدہ اور زیر تعمیر 22 رہائشی اور کمرشل عمارتوں کو سیل کر دیا ہے۔
سی ڈی اے حکام کے مطابق سیکٹر ای-11 میں واقع 22 عمارتوں کو بلڈنگ کوڈز اور ضابطے کی خلاف ورزیوں سے متعلق پیشگی نوٹسز جاری کر دیے گئے تھے۔
سی ڈی اے کے مطابق اس وقت مذکورہ سیکٹر می پانچ کے قریب رہائشی منصوبے موجود ہیں جن میں سے تین ہاؤسنگ سوسائٹیز تعمیراتی قوانین کے خلاف تعمیر کی گئی ہیں جبکہ اس سیکٹر میں 70 رہائشی اور کمرشل عمارتیں ایسی ہیں جن کی مجاز اتھارٹی سے منظوری ہی نہیں لی گئی ہے۔
مزید خبروں اور اپڈیٹس کے لیے وزٹ کیجئے گرانہ بلاگ۔
