اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے C-16 سیکٹر میں رہائش پذیر مقامی لوگوں کی تعمیر شدہ جائیداد کے لیے بی یو پی ایوارڈ دینے کا وعدہ کیا ہے، جس کا اعلان دو ماہ کے اندر کیا جائے گا۔
تفصیلات کے مطابق سابق ایم این اے انجم عقیل خان کی قیادت میں مقامی اراضی مالکان نے سی ڈی اے افسران کے ساتھ ملاقات کی۔ اور اس بات پر اتفاق کیا گیا کہ سی ڈی اے c-16 سیکٹر کے لیے زیر التوا بلٹ ا پ پراپرٹی ایوارڈ (بی یو پی) کا دو ماہ کے اندر اعلان کرے گا۔
مزید یہ کہ زمین مالکان کے نمائندوں اور سی ڈی اے کے ڈپٹی کمشنر سردار محمد آصف نے ایک معاہدے پر دستخط کیے، جس کے تحت مقامی افراد سیکٹر میں جاری ترقیاتی کاموں میں مداخلت نہیں کریں گے۔
نیز سی ڈی اے ترقیاتی کاموں میں رکاوٹ ڈالنے پر مقامی لوگوں کے خلاف حال ہی میں درج کی گئی ایف آئی آر بھی واپس لے گا۔ یہ بھی فیصلہ کیا گیا کہ گھروں کا سروے اور پیمائش جلد از جلد مکمل کی جائے گی۔ اور دو ماہ کے عرصے میں حتمی بی یو پی ایوارڈ کا اعلان کر دیا جائے گا۔
علاوہ ازیں اس بات پر بھی اتفاق کیا گیا کہ مقامی متاثرہ افراد کو سیکٹرز C-16 یا C-15 میں ان کی تعمیر شدہ جائیدادوں کے بدلے پلاٹ دیے جائیں گے۔ اور سی ڈی اے چار ماہ کے اندر الاٹمنٹ لیٹر جاری کرے گا۔
معاہدے کے مطابق سی ڈی اے ایوارڈ کا اعلان مقامی لوگوں کی کمیٹی کی توثیق کے بعد کرے گا۔ اور 300 مربع فٹ کے احاطہ میں پانچ مرلہ کا پلاٹ الاٹ کیا جائے گا۔
سیکٹر C-16 کو سی ڈی اے نے 2008 میں لینڈ شیئرنگ پالیسی کے تحت حاصل کیا تھا، جس کا مطلب ہے کہ مقامی لوگوں کو ان کی چار کنال اراضی کے بدلے ایک کنال کا ڈویلپ پلاٹ ملے گا۔ اس کے علاوہ، وہ بی یو پی (مکانات) کے مقدمات کے خلاف معاوضے کے بھی حقدار تھے۔
مزید خبروں اور اپڈیٹس کیلئے وزٹ کیجئے گرانہ بلاگ
