اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے کورنگ پل کی تعمیر میں سڑک پر اسفالٹ کے کام کا آغاز کر دیا ہے۔ آئی جے پی روڈ کے بعد سی ڈی اے نے ایکسپریس وے کی تعمیر و ترقی پر کام شروع کر دیا ہے۔
تفصیلات کے مطابق چیئرمین سی ڈی اے نور الامین مینگل نے اپنے سوشل میڈیا اکاؤنٹ پر تصاویر جاری کرتے ہوئے آئی جے پی روڈ کے بعد اب ایکسپریس وے پر کام کی تیاری سے متعلق خبر شیئر کی۔
ا س سے قبل سی ڈی اے نے آئی جے پی روڈ اسلام آباد کو ایک نئی جہت دیتے ہوئے سست رفتار ٹریفک کے لیے سڑک کے ساتھ ساتھ سروس لین بنانے کے منصوبے سے آگاہ کیا۔ علاوہ ازیں ڈی جی انفورسٹمنٹ کی زیرِ نگرانی انسدادِ تجاوزات آپریشن میں قبضہ مافیا سے زمین واگزار کرائی گئی تھی۔ اور غیر قانونی کمرشل استعمال کی روک تھام کی گئی تھی۔
مزید یہ کہ ایکسپریس روڈ کی تعمیر و مرمت جڑواں شہروں میں آمد و رفت اور ریئل اسٹیٹ سیکٹر کی ترقی کے لیے بلاشبہ ایک اہم سنگِ میل ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
