اسلام آباد: کیپیٹل ڈیویلپمنٹ اتھارٹی (سی ڈی اے) نے اسلام آباد کے سیکٹر ای بارہ اور اُس کے سب سیکٹرز میں 309 ملین کی لاگت کے ترقیاتی کام شروع کرنے كا اعلان کردیا۔
افسران کے مطابق ترقیاتی منصوبوں کے ٹینڈرز جاری کردیئے گئے ہیں۔
سی ڈی اے سے جاری شدہ پریس ریلیز کے مطابق سی ڈی اے سیکٹر ای بارہ کی تعمیر و ترقی کے لیے سنجیدہ اقدامات کررہی ہے۔
ترقیاتی کاموں میں روڈ نیٹ ورک، گلیوں کی پختگی اور نکاسی آب کے منصوبے شامل ہیں۔
سب سیکٹرز میں ترقیاتی کاموں کو اگلے سال مئی کے مہینے تک ختم کیا جائے گا، جبکہ مرکزی ای بارہ میں ترقیاتی کاموں پر 3 سال کا عرصہ لگے گا۔
سی ڈی اے نے معاملے کی تکنیکی بولیوں کا آغاز کردیا ہے اور معتدد کنسٹرکشن کمپنیز کی طرف سے آفرز کا سلسلہ جاری ہے۔
مزید خبروں اور اپڈیٹس کے لئے وزٹ کیجئے گرانہ بلاگ۔
