سی ڈی اے نے آئی-14 میں روڈ انفراسٹرکچر بہتر بنانے کا فیصلہ کرلیا

اسلام آباد: کیپیٹل ڈویلپمنٹ اتھارٹی نے اسلام آباد کے سیکٹر آئی-14 میں روڈ انفراسٹرکچر کو بہتر بنانے کا فیصلہ کرلیا۔

اس سلسلے میں بڈنگ کا سلسلہ کھول دیا گیا ہے۔ اس منصوبے کی این آئی ٹی لاگت 8.126 ملین روپے تھی تاہم سب سے کم بڈ 4.656 ملین موصول ہوئی جو کہ این آئی ٹی لاگت سے تقریباً 47.4 فیصد کم ہے۔ اس پروجیکٹ کے تحت سیکٹر کی سڑکوں کی بحالی اور مرمت کا کام کیا جائے گا۔

یہ قدم اُن بہت سے اقدام کا حصہ ہے جو کہ سی ڈی اے کی موجودہ انتظامیہ نے اٹھانے کا فیصلہ کیا ہے جن کے تحت طویل عرصے سے نظر انداز سیکٹرز کی مرمت اور بحالی کا کام کیا جائے گا۔

چونکہ اس سیکٹر میں تعمیراتی سرگرمیاں آج کل زور و شور سے جاری ہیں اور لوگ مکانات کی تعمیر کررہے ہیں تاہم یہاں انفراسٹرکچر کو بہتر بنانے کا کام ضروری تھا۔ اس منصوبے کے تحت، رہائشیوں کی آسانی کے لیے سیکٹر آئی-14 کی سب سیکٹرز کے تمام سڑکوں اور گلیوں کی حالات بہتر بنائی جائے گی۔

یاد رہے کہ اس سال جنوری میں سی ڈی اے کی  انتظامیہ نے سیکٹر کے باقی ماندہ علاقوں میں گیس کی بحالی کے لیے 210.552 ملین روپوں کی منظوری دی تھی۔

مزید خبروں اور اپڈیٹس کے لیے وزٹ کیجئے گرانا بلاگ۔

About Maham Tahir

جواب دیں

آپ کا ای میل ایڈریس شائع نہیں کیا جائے گا۔