سیمنٹ اور سٹیل کی قیمتوں میں مسلسل اضافہ

کراچی: کورونا ویکسین کے اجراء کے بعد دنیا بھر میں تعمیراتی سرگرمیوں میں اضافہ دیکھنے میں آیا ہے جس کے باعث پاکستان میں بھی سیمنٹ اور سٹیل کی قیمتوں میں اضافہ ہوا ہے۔

تفصیلات کے مطابق دنیا بھر میں سکریپ کی قیمت میں فی ٹن تقریباً 60 ڈالر تک کا اضافہ ہوا ہے۔ عالمی منڈی میں اِس اضافے کا اثر براہِ راست پاکستانی مارکیٹ پر بھی ہوا ہے۔

ماہرین کے مطابق نومبر کے آغاز میں سکریپ کی قیمت 300 ڈالر فی ٹن تھی مگر اب یہ قیمت 450 ڈالر تک پہنچ گئی ہے۔

اس اضافے کے بعد لوکل ملوں نے خام مال کی خرید کا عمل روک دیا ہے۔

اس کا اثر کوئلے کی قیمت پر بھی ہوا ہے جو کہ لاک ڈاؤن کے دوران 65 ڈالر فی ٹن تک دستیاب تھا مگر اب اس کی قیمت 80 ڈالر فی ٹن ہے۔

مزید خبروں اور اپڈیٹس کے لئے وزٹ کیجئے گرانہ بلاگ۔