چیئرمین سی ڈی اے کی آئی جے پی روڈ پر ترقیاتی کاموں کی رفتار تیز کرنے کی ہدایت

اسلام آباد: وفاقی دارالحکومت اسلام آباد میں سڑکوں کی بحالی کی حکومتی پالیسی پر عملدرآمد کرتے ہوئے کیپٹل ڈیولپمنٹ اتھارٹی (سی ڈی اے) نے آئی جے پرنسپل روڈ کی بحالیِ نو کے ترقیاتی کاموں کی رفتار تیز کرنے کی ہدایت کر دی۔

سی ڈی اےکے ممبر انجینئرنگ نے ہفتے کے روز ڈی جی ورکس، ڈرایکٹر روڈ سائوتھ، نیسپاک کنسلٹنٹ اور این ایل سی ٹیم کے ہمراہ اسلام آباد کے علاقے آئی جے پی روڈ کا دورہ کیا اور وہاں جاری ترقیاتی کاموں کی رفتار کا تفصیلی جائزہ لیا۔

سی ڈی اے حکام کا کہنا ہے کہ اس منصوبے میں آئی جے پی روڈ پر ٹریفک کا دبائو کم کرنے کے لئے دو پل اور دو فلائی اوورز تعمیر کئے جائیں گے۔

نائنتھ ایونیو اور آئی جے پی روڈ پر فلائی اوورز جبکہ کٹاریاں اور پیرودھائی کے مقام پر دو پل تعمیر کئے جائیں گے جس سے ٹریفک کا نظام رواں دواں رکھنے اور شہریوں کو ٹریفک جام جیسے مسائل سے دوچار نہیں ہونا پڑے گا۔

چیئرمین سی ڈی اے  کا کہنا ہے کہ یہ منصوبہ 18 ماہ میں مکمل کرکے ٹریفک کیلئے کھول دیا جائے گا جبکہ اس منصوبے کی کل لاگت 4.9 ارب روپے ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے