لاہور: وزیرِ اعلیٰ پنجاب سردار عثمان بزدار نے بدھ کے روز تاریخی شہرت کے حامل شہر ہڑپہ کے لیے دو ارب کے ترقیاتی پیکج کی منظوری دے دی۔
اُنہوں نے یہ منظوری گورنر چوہدری سرور کے ہمراہ اپنے دورہ ہڑپہ کے موقع پر دی۔
اُنہوں نے کہا کہ ایک ارب کی رقم ہڑپہ میں سڑکوں کی تعمیر پر خرچ کی جائے گی اور 500 ملین کی رقم واٹر سپلائی اور سیوریج نظام کی بہتری پر لگائی جائے گی۔
اُن کا کہنا تھا کہ یہاں کی ریلوے کراسنگ پر ایک اوورہیڈ پل اور ایک انڈر پاس کی تعمیر بھی کی جائے گی جس پر 500 ملین کی لاگت آئے گی۔
علاوہ ازیں اُنہوں نے ساہیوال سمیت 2 ہزار دیہاتوں کی تعمیر و ترقی کے عزم کا بھی اعادہ کیا۔
اُن کا کہنا تھا کہ ساہیوال سے سمندری تک ایکسپریس وے کی تعمیر ہوگی اور کارڈیالوجی انسٹیٹیوٹ بھی قائم کیا جائے گا۔
مزید خبروں اور اپڈیٹس کے لئے وزٹ کیجئے گرانہ بلاگ۔
