فیصل آباد: وزیرِ اعلیٰ پنجاب سردار عثمان بزدار نے فیصل آباد کیلئے 8 ارب روپے کی لاگت کے متعدد ترقیاتی منصوبوں کا اعلان کردیا۔
وہ گزشتہ روز فیصل آباد کے دورے پر تھے جہاں اُنہوں نے ماڈل بازار جھنگ روڈ سمیت متعدد سڑکوں کی تعمیر و توسیع کے احکامات جاری کیے جس کے لیے 3.11 ارب روپے کی رقم مختص کردی گئی ہے۔
اعلان کردہ منصوبوں میں سیوریج اور واٹر سپلائی کے 19 جبکہ ایجوکیشن ڈیپارٹمنٹ کے 25 پراجیکٹس شامل ہیں۔
وزیرِ اعلیٰ نے تمام متعلقہ افسران کو منصوبوں کی بروقت تکمیل یقینی بنانے کی ہدایت کی اور کہا کہ شفافیت پر کوئی سمجھوتہ نہیں کیا جائیگا۔
علاوہ ازیں سردار عثمان بزدار نے فیصل آباد کیلئے ایک کرکٹ اسٹیڈیم کا بھی اعلان کیا۔
مزید خبروں اور اپڈیٹس کے لیے وزٹ کیجئے گرانہ بلاگ۔
