نیشنل ہائی وے کونسل کا اجلاس: سیلابی صورتحال سے نمٹنے سمیت متاثرین کی بحالیِ نو سے متعلق اہم فیصلے

اسلام آباد: وفاقی وزیر مواصلات اسعد محمود نے سیلابی صورتحال سے نمٹنے اور بحالیِ نو کے منصوبوں سے متعلق اہم فیصلے کرتے ہوئے این ایچ اے کو ہدایات جاری کیں کہ سیلاب زدگان کی بحالی کے صوبائی اداروں سے بھرپور تعاون کیا جائے۔

وفاقی وزیر مواصلات اسعد محمود نیشنل ہائی وے کونسل کے38 ویں اجلاس کی صدارت کر رہے تھے۔

اجلاس کے دوران وفاقی وزیر کو بریفنگ میں بتایا گیا کہ صوبہ خیبر پختونخواہ کے علاقے ٹانک میں این ایچ اے نے بند باندھ کر سیلابی پانی کو روک دیا جس سے ہزاروں جانیں اور سینکڑوں مکانات محفوظ رہے۔

وفاقی سیکرٹری مواصلات و چیئرمین نیشنل ہائی وے اتھارٹی کیپٹن(ر) محمد خرم آغا سمیت دیگر ممبرز اوراعلی حکام نے اجلاس میں شرکت کی۔

نیشنل ہائی وے اتھارٹی ایگزیکٹو بورڈ کی سفارشات کی روشنی میں کونسل کے اجلاس میں اہم انتظامی و مالی امور پر بالعموم اور ملک میں موجودہ سیلابی صورتحال پر بالخصوص تبادلہ خیال کرنے کے بعد اہم فیصلے کئے گئے۔

وفاقی وزیر مواصلات نے موجودہ مون سون میں ناگہانی صورتحال سے نمٹنے کیلئے این ایچ اے کو صوبوں اور بحالیِ نو کے صوبائی اداروں سے بھرپور معاونت کی ہدایات جاری کیں۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔