اسلام آباد: اپریل میں مُلکی برآمدات 2.19 ارب ڈالر کی ریکارڈ ہوئیں جو کہ مسلسل 7 ماہ سے 2 ارب ڈالر سے زائد ریکارڈ ہورہی ہیں۔
وزیرِ اعظم کے معاونِ خصوصی برائے کامرس عبدالرزاق داؤد نے سماجی رابطے کی ویب سائٹ ٹویٹر پر اظہارِ خیال کرتے ہوئے کہا کہ مسلسل 7 ماہ سے مُلکی برآمدات 2 ارب ڈالر سے زائد ہیں اور ایکسپورٹ گروتھ 129 فیصد ریکارڈ ہوئی ہے۔
اُن کا کہنا تھا کہ رواں معاشی سال کے تیسرے کوارٹر میں جاپان میں برآمدات کے حجم میں 47 فیصد اضافہ ہوا۔ اُنہوں نے برآمد کنندگان سے اپیل کی کہ وہ جاپان کی جانب اپنی توجہ خصوصی طور پر مرکوز کریں۔
اُنہوں نے برآمد کنندگان کی تعریف کی کہ وبا کے دور میں بھی اُن کی محنت ثمر آور ہورہی ہے۔
مزید خبروں اور اپڈیٹس کے لیے وزٹ کیجئے گرانہ بلاگ۔
