لئی ایکسپریس وے منصوبے کے مالیاتی امور کی منظوری

راولپنڈی: پنجاب حکومت کے زیر انتظام راولپنڈی کی ضلعی انتظامیہ نے تفصیلی جائزہ کے بعد لئی ایکسپریس وے منصوبے کے مالیاتی امور کی باقاعدہ طور پر منظوری دے دی ہے۔ ترقیاتی منصوبے کی ابتدائی لاگت کا تخمینہ 70 ارب روپے لگایا گیا ہے۔

invest with imarat

Islamabad’s emerging city centre

Learn More

یہ منصوبہ حکومتی اور نجی اداروں کی شراکت سے تعمیر کیا جائے گا جبکہ مذکورہ منصوبے کی دیگر سہولیات میں اب سیوریج ٹریٹمنٹ پلانٹ کی تنصیب کا منصوبہ بھی شامل کر لیا گیا ہے تاکہ مون سون کے موسم میں شدید بارشوں کے باعث سڑکوں پر پانی کھڑے ہونے اور عوام کے لیے دیگر مشکلات میں کمی لائی جا سکے۔

وفاق اور پنجاب کی صوبائی حکومت اس منصوبے کی تعمیر کے لیے برابری کی سطح پر مجموعی طور پر 48 ارب روپے فراہم کرے گی جبکہ ایشیائی ترقیاتی بینک اس منصوبے سے جڑے سیوریج ٹریٹمنٹ پلانٹ کی تنصیب کے لیے 10 ارب روپے فراہم کرے گا۔

لئی ایکسپریس وے کا مقصد شہر کے سیوریج کا بہتر انتظام کرنا اور راولپنڈی کو اسلام آباد سے ملانے والی ایک متبادل سڑک کی فراہمی ہے جس سے مری روڈ، پشاور روڈ اور ایئرپورٹ روڈ پر ٹریفک کے دباؤ میں کمی لانے میں مدد ملے گی۔

مزید خبروں اور اپڈیٹس کے لیے وزٹ کیجئے گرانہ بلاگ۔

invest with imarat Islamabad’s emerging city
centre
Learn More
Scroll to Top
Scroll to Top