حکومت نے اسپیشل ٹیکنالوجی زون اتھارٹی کے قیام کے لیے اراضی مختص کردی

اسلام آباد: حکومت نے آئی ٹی کی صنعت کے فروغ کے لیے اسپیشل ٹیکنالوجی زون اتھارٹی کے قیام کے لیے اسلام آباد میں 150 ایکڑ کی اراضی مختص کردی۔

ٹیکنالوجی زون کے قیام کے لیے اراضی کی پہچان کے عمل میں کیپٹل ڈویلپمنٹ اتھارٹی (سی ڈی اے) نے حکومت کی معاونت کی۔

کیبنٹ ڈویژن سے حاصل شدہ تفصیلات کے مطابق اسپیشل ٹیکنالوجی زون اتھارٹی آرڈیننس 2020 کے تحت اس اتھارٹی کا قیام عمل میں لایا جا رہا ہے۔

ایک ایک اسپیشل ٹیکنالوجی زون اسلام آباد، لاہور، ہری پور، کراچی اور کویٹہ میں قائم کیا جائے گا۔

کابینہ ڈویژن کے مطابق 150 ایکڑ کی یہ زمین نیشنل انسٹیٹیوٹ آف ہیلتھ کے پاس ہے اور تاحال استعمال میں نہیں۔

اس زمین کی حوالگی فوری طور پر کردی جائے گی مگر پیمنٹ سالانہ اقساط میں تقریباً پانچ سال کے عرصے تک کی جائے گی۔

 

مزید خبروں اور اپڈیٹس کے لئے وزٹ کیجئے گرانہ بلاگ۔

About Maham Tahir

جواب دیں

آپ کا ای میل ایڈریس شائع نہیں کیا جائے گا۔