اسلام آباد: حکومتِ پاکستان نے پبلک سیکٹر ڈیویلپمنٹ پروگرام سے 50 ملین روپے مُلک بھر کے ریلوے اسٹیشنز کی اپگریڈیشن اور بحالی کے لیے مختص کر دیے ہیں۔
ریلویز کی رینویشن کا فیصلہ سینٹرل ڈیویلپمنٹ ورکنگ پارٹی نے 2018 میں کیا تھا اور اب تک چھے مختلف ریلوے اسٹیشنز کی درستگی بھی کر لی گئی ہے۔
بہاولپور، راۓونڈ، نارووال، اوکاڑہ، ساہیوال، گوجرانوالہ کے ریلوے اسٹیشنز کی بحالی ہوگئی ہے جبکہ حسن ابدال، ننکانہ، پشاور، کراچی اور لاہور کے ریلوے اسٹیشنز پر کام جاری ہے اور جلد مکمل کرلیا جائے گا۔
ریلوے کے ایک عہدیدار کے مطابق کہ اس اپ گریڈیشن کا بنیادی مقصد مسافروں کی سہولت، ریلوے کی جدت اور ریلوے کے بارے میں عوامی تاثر کو بہتر بنانا ہے۔
پاکستان ریلوے نے مسافروں کے لیے انتظار کے ہال، نماز کے مقامات، آپریشن دفاتر ، واٹر فلٹریشن پلانٹ، بیت الخلا، مسافروں کی پناہ گاہ ، پلیٹ فارم، ٹکٹ کاؤنٹرز، پارکنگ ایریا اور بیرونی ترقیاتی کاموں کو اپ گریڈ کرنے کا فیصلہ کیا ہے۔
پاکستان ریلویز نے ٹریک برج بدلنے کا بھی فیصلہ کیا جن میں ملتان کے چھے، لاہور کے دو، کراچی کے 34، سکھر کی 11، پشاور کے دو اور کویٹہ کے ایک پُل کی تعمیر کی جائے گی۔
مزید خبروں اور اپڈیٹس کے لیے وزٹ کیجئے گرانا بلاگ۔
