حکومتی ہاوسنگ اسکیم کےلیے ماحول سازگار بنایا جا رہا ہے: گورنر اسٹیٹ بینک

اسلام آباد: گورنر اسٹیٹ بینک رضا باقر کا کہنا ہے کہ عوام کو سستے گھروں کی فراہمی کے لیے اسٹیٹ بینک حکومت پاکستان کی ہاوسنگ اسکیم پر عملدرآمد کی بھرپور کوششیں کر رہا ہے۔

بزنس کمیونٹی سے گفتگو کرتے ہوئے رضا باقر کا کہنا تھا کہ پہلی مرتبہ گھر کی تعمیر یا خریداری کرنے والے افراد کو کم شرح سود پر قرضوں کی فراہمی کی سہولت دی جارہی ہے۔

رضا باقر کا کہنا تھا کہ اس مقصد کے لیے اسٹیٹ بینک نے اس شعبے کی ترقی کے لیے ضوابطی ماحول کو مزید سازگار بنایا ہے۔

انہوں نے کہا کہ ‘میرا پاکستان میرا گھر اسکیم’ سے متعلق شکایت کے ازالے کا طریقہ کار وضع کیا گیا ہے اور اس سلسلے میں آن لائن کمپلینٹ منیجمنٹ سسٹم جنوری 2021ء سے کام شروع کرے گا۔

گورنر اسٹیٹ بینک کا کہنا تھا کہ ملک میں پائیدار معاشی نمو کو تحریک دینے کی غرض سے اسٹیٹ بینک کاروباری برادری کو سہولت دینے کے لیے مختلف اقدامات کر رہا ہے۔

مزید خبروں اور اپڈیٹس کیلئے وزٹ کیجئے گرانہ بلاگ

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔