اسلام آباد: وفاقی حکومت کے زیر انتظام سنٹرل ڈویلپمنٹ ورکنگ پارٹی (سی ڈی ڈبلیو پی) نے 71 ارب 40 کروڑ روپے لاگت کے چار ترقیاتی منصوبوں کی منظوری جبکہ ان میں سے ایک منصوبے کو قومی اقتصادی کونسل کی ایگزیکٹو کمیٹی کو بھیجںے کی سفارش کی ہے۔
سی ڈی ڈبلیو پی نے 58 ارب 81 کروڑ 50 لاکھ روپے کی لاگت سے عالمی بینک کی مالی معاونت کے منصوبے پنجاب ریزیلینٹ اینڈ انکلوسیو ایگریکلچر ٹرانسفارمیشن کی منظوری دیتے ہوئے قومی اقتصادی کونسل کی ایگزیکٹو کمیٹی کو مزید نظرِ ثانی کے لیے بھیج دیا ہے۔
سی ڈی ڈبلیو پی نے صوبہ خیبر پختونخواہ کے ضلع ہنگو میں 3 ارب 48 کروڑ 98 لاکھ روپے کی لاگت سے تورواری ڈیم کی تعمیر کی منظوری بھی دے دی ہے۔
علاوہ ازیں سی ڈی ڈبلیو پی کے اجلاس میں 7 ارب 86 کروڑ 90 لاکھ روپے کی لاگت سے نیشنل انسٹیٹیوٹ آف ہارٹ ڈیزیز (این آئی ایچ ڈی) کے قیام کی بھی منظوری دی گئی۔
اجلاس میں 1 ارب 22 کروڑ 33 لاکھ روپے کی لاگت سے نیوکلیئر انسٹی ٹیوٹ آف میڈیسن اینڈ ریڈیو تھراپی جامشورو کی اپ گریڈیشن کے منصوبے کو منظور کر لیا گیا۔
مزید خبروں اور اپڈیٹس کیلئے وزٹ کیجئے گرانہ بلاگ۔
