راولپنڈی رنگ روڈ منصوبے کا ٹھیکہ سرکاری تعمیراتی کمپنیوں کو دینے کا فیصلہ

راولپنڈی: حکومت نے راولپنڈی رِنگ روڈ منصوبے کی تعمیر کا ٹھیکہ سرکاری تعمیراتی کمپنیوں کو دینے کا فیصلہ کیا ہے۔

invest with imarat

Islamabad’s emerging city centre

Learn More

حکام کے مطابق تین کمپنیاں فرنٹیئر ورکس آرگنائزیشن (ایف ڈبلیو او)، نیشنل لاجسٹک سیل (این ایل سی) اور نیشنل کنسٹرکشن (این سی) راولپنڈی رِنگ روڈ منصوبے کی تعمیر کی بولی کے عمل میں حصہ لیں گی۔

حکام کے مطابق 23 ارب روپے کی لاگت سے تعمیر کیے جانے والے راولپنڈی رِنگ روڈ منصوبے کی زمین کے حصول کے لیے پنجاب حکومت نے 6.7 ارب روپے جاری کردیئے ہیں اور بورڈ آف ریونیو سے منظوری کے بعد اراضی کے حصول کا کام شروع ہوگا۔

اِس منصوبے کے لیے 27 دیہاتوں سے تقریباً 14 ہزار 600 کنال اراضی حاصل کی جائے گی۔ مارگلہ ایونیو سے ملنے والی سڑک کے لئے اراضی آر ڈی اے اور کیپٹل ڈویلپمنٹ اتھارٹی (سی ڈی اے) کے ذریعہ حاصل کی جائے گی ۔

اِس منصوبے کے آٹھ مختلف مقامات پر انٹرچینج کا قیام عمل میں لایا جائے گا جن میں ریڈیو پاکستان، روات، چک بیلی، اڈیالہ، چکری، ایم ٹو موڑ، اسلام آباد انٹرنیشنل ایئرپورٹ اور سنگجانی شامل ہیں جبکہ رہائشی زون سنگجانی، اڈیالہ، چکری کے ساتھ میں قائم کیے جائیں گے۔

وفاقی حکومت نے دو نئی ڈرائی پورٹس کے قیام کی منظوری بھی دے دی ہے جن میں سے ایک پنجاب میں رنگ روڈ پر روات کے قریب قائم کیا جائے گا۔

اِس منصوبے میں شامل ہسپتال چک بیلی انٹرچینج کے قریب تعمیر کیا جائے گا جبکہ شہریوں کی سہولت کے لئے چکری اور مورٹ انٹرچینج کے درمیان تفریحی پارک بھی تعمیر کیا جائے گا۔

مزید خبروں اور اپڈیٹس کیلئے وزٹ کیجئے گرانہ بلاگ۔

invest with imarat Islamabad’s emerging city
centre
Learn More
Scroll to Top
Scroll to Top