راوی ریور فرنٹ منصوبے کے پہلے زون چاہار باغ پر تعمیراتی کاموں کا آغاز

لاہور: وزیر اعلیٰ پنجاب کے معاون خصوصی برائے اطلاعات حسان خاور کا کہنا ہے کہ راوی ریور فرنٹ منصوبے کے پہلے زون چاہار باغ پر تعمیراتی کاموں کا آغاز کر دیا گیا ہے۔

سماجی رابطے کی ویب سائٹ ٹویٹر پر اپنے ایک پیغام میں حسان خاور کا کہنا تھا کہ کہ دریائے راوی کے دونوں کناروں پر 46 کلومیٹر لمبے حصے پر راوی ریور فرنٹ منصوبے پر تعمیراتی کام تیزی سے شروع کر دیا گیا ہے جو شہری آبادی کے پھیلاؤ کو روکنے، پانی کی سطح کو بلند کرنے اور دریائے راوی کی بحالی میں مدد فراہم کرے گا۔

انہوں نے کہا کہ زیادہ آبادی، ٹریفک کی بھیڑ، آلودگی اور پانی کی کمی سے نمٹنے کے لیے وزیراعلیٰ عثمان بزدار کی ہدایت پر متعلقہ اداروں کو اس منصوبے پر تیزی سے عمل درآمد کا حکم دے دیا گیا ہے۔

حسان خاور کا کہنا تھا کہ پہلا مرحلہ 15,000 ایکڑ پر محیط ہوگا اور اس میں سیفائر، ایگری، نالج، ایمرلڈ بے، ٹوپاز بلاک، بیراجز اور جھیل شامل ہیں جبکہ راوی سٹی صوبے میں نجی سرمایہ کاری اور بیرون ملک مقیم پاکستانیوں کے ذریعے زرمبادلہ لائے گا۔

انہوں نے مزید کہا کہ یہ پراجیکٹ دریائےِ راوی کو ریچارج بھی کرے گا اور ایک عظیم الشان اور جدید منصوبے کے ذریعے ہاؤسنگ اور تعمیراتی صنعت اور متعلقہ صنعتوں کے ذریعے لاکھوں ملازمتیں بھی پیدا کرے گا۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے