گرانہ ڈاٹ کام، نسٹ کی شراکت سے پاکستان کا پہلا ریئل اسٹیٹ کورس شروع کرنے کو تیار

اسلام آباد: پاکستان کا اسمارٹیسٹ پراپرٹی پورٹل گرانہ ڈاٹ کام، نیشنل یونیورسٹی آف سائنسز اینڈ ٹیکنالوجی (نسٹ) کی شراکت سے پاکستان کا پہلا ریئل اسٹیٹ کورس، سرٹیفیکیشن اِن ریئل اسٹیٹ لیول ون، شروع کرنے کو تیار ہے۔

اس بارے میں اپنی رائے کا اظہار کرتے ہوئے سی ای او گرانہ ڈاٹ کام اور کورس ٹیچر جناب شفیق اکبر کا کہنا تھا کہ ریئل اسٹیٹ سیکٹر پاکستان کے معاشی پہیے کا انجن ہے مگر برسوں نظر انداز رہا ہے۔ اُنہوں نے کہا کہ اپنے تعلیمی اداروں میں اس کی باقاعدہ تعلیم سے ہم اس سیکٹر میں انقلاب بپا کر سکتے ہیں۔

گروپ ڈائریکٹر گرانہ فرحان جاوید کا کہنا تھا کہ ریئل اسٹیٹ پاکستان کی معیشت کا دوسرا بڑا حصہ ہے جو کہ آج کل ملکی معاشی ترقی میں اپنا بھرپور کردار ادا کررہا ہے۔ اُن کا کہنا تھا کہ اس کورس کا مقصد ریئل اسٹیٹ کی حقیقی طاقت کو دریافت کرنا اور اس سیکٹر کے منظر کو تبدیل کرنا ہے جو کہ لوگوں کی پروفیشنل تربیت سے ممکن ہے۔

کورس کے مزید ایکسپرٹس میں جناب عمر عابدین، محترمہ اقراء مصدق اور محترمہ صائمہ لطیف شامل ہیں۔

یہ کورس تھیوری اور عملی مطالعات پر مبنی ہے جو کہ ریئل اسٹیٹ کے پروفیشن سے جُڑے تکنیکی، انتظامی اور قانونی امور کو سیکھنے کا تجربہ فراہم کرے گا۔

اس سرٹیفیکیشن میں اسائنمنٹس، پریزنٹیشنز، گروپ سرگرمیاں، کیس اسٹڈیز اور امتحانات ہوں گے۔ یہ کورس رواں ماہ یعنی 29 جنوری 2021 سے شروع ہوگا اور چار ہفتوں تک جاری رہے گا۔

مزید خبروں اور اپڈیٹس کے لئے وزٹ کیجئے گرانہ بلاگ۔