گرانہ پراپرٹی فیسٹیول کا ایکسپو سینٹر لاہور میں شاندار انعقاد، بڑی تعداد میں شہریوں کی شرکت

WhatsApp Image 2022-05-09 at 4.31.45 PM

پاکستان کی پہلی آن لائن ریئل اسٹیٹ مارکیٹ پلیس گرانہ ڈاٹ کام کے زیرِ اہتمام گرانہ پراپرٹی فیسٹیول لاہور کے ایکسپو سینٹر میں شاندار انعقاد کیا گیا۔ ایونٹ میں زندہ دلان کے شہر کے باسیوں سمیت مختلف سیاسی اور سماجی شخصیات نے شرکت کی۔

چیئرمین امارات گروپ اور سی ای او گرانہ ڈاٹ کام شفیق اکبر کا کہنا تھا کہ پراپرٹی فیسٹیول کی کامیابی عوام کی ریئل اسٹیٹ سیکٹر میں شفافیت پر یقین بحال کرنے کی گرانہ ڈاٹ کام کی کاوش پر ایک مہرِ تصدیق ہے۔

اُن کا کہنا تھا کہ اِس ایونٹ سے یہ بات ثابت ہوئی کہ اگر آپ نیک نیتی اور دل جمعی کے ساتھ پاکستان کی خدمت کو یقینی بنائیں تو ہر لحاظ سے عوام آپ کو پذیرائی بخشتی ہے۔

گروپ ڈائریکٹر گرانہ ڈاٹ کام فرحان جاوید نے پراپرٹی فیسٹیول لاہور میں بڑی تعداد میں لوگوں کی شرکت پر لاہور کے شہریوں کا شکریہ ادا کیا اور کہا کہ گرانہ ڈاٹ کام ایسے مزید ایونٹس کا ہونا یقینی بنائے گا۔

ایونٹ میں معروف کرکٹر وسیم اکرم اور اداکار شان شاہد نے خصوصاً شرکت کی۔ وسیم اکرم کا کہنا تھا کہ پاکستان کی پراپرٹی مارکیٹ میں آئے روز لوگوں کو مشکلات کا سامنا رہتا ہے تاہم گرانہ ڈاٹ کام اور ایجنسی 21 کی کاوشوں سے اُن مسائل کا تدارک ہورہا ہے۔

اداکار شان شاہد نے ایک کامیاب پراپرٹی فیسٹیول کے انعقاد پر گرانہ ڈاٹ کام کو مبارک باد دی اور کہا کہ اُنہوں نے اِس ایونٹ میں لوگوں کی اتنی بڑی تعداد میں شرکت خلافِ توقع تھی۔

تفصیلات کے مطابق ایونٹ کا باقاعدہ آغاز 7 مئی (بروز ہفتہ) صبح دس بجے ہوا اور دونوں روز یعنی 7 اور 8 مئی کو صبح سے شام تک لوگوں کی بڑی تعداد نے شرکت کی۔

پراپرٹی فیسٹیول میں پاکستان بھر سے 40 بہترین ریئل اسٹیٹ ڈویلپرز شامل ہوئے جن کا مقصد عوام الناس کے سامنے ریئل اسٹیٹ میں سرمایہ کاری کے بہترین مواقع پیش کرنا تھا۔

علاوہ ازیں گرانہ ڈاٹ کام کے اِس ایونٹ میں فیملیز کیلئے فری انٹری کی سہولت کے ساتھ متعدد انٹرٹینمینٹ کے مواقع بھی یقینی بنائے۔ ایونٹ میں لکی ڈرا کا ایک خصوصی سیکشن بھی رکھا گیا جس میں لوگوں نے حصہ لے کر قیمتی انعامات اپنے نام کروائے۔

مزید خبروں اور اپڈیٹس کیلئے وزٹ کیجئے گرانہ بلاگ۔