گھر کی تعمیر میں پیسہ کیسے بچایا جائے؟

من پسند گھر کی تعمیر خوابوں کے گھر کی تعبیر ہوتی ہے۔ ذاتی گھر کا حصول ہر انسان کی خواہش ہے۔ یہی وجہ ہے کہ اپنی مرضی کی تعمیر کے لیے اولین مقصد زمین یا پلاٹ کا حصول ہوتا ہے۔ اور اس کے بعد مکان کی تعمیر بلاشبہ ایک محنت طلب اور بھاری اخراجات کا نام ہے۔ موجودہ بڑھتی مہنگائی میں مٹیریل سے لے کر مزدوری تک اخراجات کا تخمینہ لگائیں تو یہ کسی چیلنج سے کم نہیں۔ کسی بھی کام کے لیے لگائے گئے تخمینے سے زائد خرچ ہونا ایک عام بات ہے۔ لیکن ایسی تعمیر کیسے ممکن ہے جو کم خرچ بالا نشین جیسی مثال پر پوری اترے؟ اور کس طرح گھر کی تعمیر میں بچت کی جائے؟

 

نصف تعمیر شدہ اور نصف زیرِ تعمیر گھر

 

تعمیراتی لاگت کم کرنے کے طریقے

تعمیراتی لاگت کو کم کرنے کے بہت سے طریقے ہیں۔ ان میں سے کچھ آسان اور سب سے مفیدنکات پر آج ہم ایک  نظر ڈالیں گے۔

کم خرچ بالا نشین

تعمیر پر عملی قدم اٹھانے سے قبل ایک منصوبہ بندی کرنا نہایت ضروری ہے۔ تاکہ کم اخراجات کے ساتھ آپ ایک مثالی گھر تعمیر کر سکیں۔

اور سب سے ضروری منصوبہ بندی ذہنی تیاری اور منصوبہ بندی پر شروعات کرنے والا پہلا قدم ہے۔ جب تک آپ ذہنی طور پر پلان ترتیب نہیں دیں گے، تعمیر سے متعلق پہلا قدم اٹھانے کے لیے سوچتے رہیں گے۔ مارکیٹ میں اچھے اور سستے مٹیریل کے لیے کن افراد سے رابطہ کرنا ضروری ہے۔ اچھے ٹھیکداروں اور مزدوروں کا انتخاب کس طرح کرنا چاہیئے؟ اور ایسا کون سا آرکیٹیکٹ ہے جو سستے داموں آپ کو مرضی کے مطابق گھر کا نقشہ بنا دے؟ یہ اور اس سے ملتے جلتے بےشمار سوالات آپ کے ذہن میں ابھرنا ایک عام بات ہے جن کے تحت آپ بہتر منصوبہ بندی کر سکتے ہیں۔

 

سوالیہ نشان پر مبنی میز پر رکھے لکڑی کے چند چھوٹے ٹکڑے

زمین یا پلاٹ کا حصول اور تعمیر

پسندیدہ گھر کی طرح شہر کے بہترین علاقے میں رہائش بھی ہر انسان کی خواہش ہوتی ہے۔ یہ آپ پر منحصر ہے کہ بہتر علاقے میں زمین خریدیں اور تعمیر کے معاملے میں کم لاگت پر منصوبہ بندی  کریں۔ یا پھر پلاٹ کی خریداری سے لے کر گھر کی تعمیر تک کم اخراجات پر حکمت عملی بنائیں۔

 

گھاس پر گھر کا چھوٹا ماڈل رکھتے ہوئے اک شخص

بجٹ کے موافق زمین یا پلاٹ کا حصول

کسی بھی تعمیر کے لیے سب سے پہلے زمین کا حصول ضروری ہے اور تعمیراتی لاگت میں کمی کی حکمت عملی پر کام کرتے وقت، آپ کو سب سے پہلا کام جو کرنا چاہیے وہ ہے بجٹ کے موافق جائیداد، زمین یا پلاٹ تلاش کرنا۔ اور اس تلاش کے تحت آپ کچھ مخصوص علاقوں یا محلوں میں رہائشی پلاٹ دیکھیں گے جن کی قیمت کم ہو۔

علاقہ یا مقام کسی بھی زمین اور پلاٹ کی زیادہ یا کم قیمت کے پیچھے سب سے بڑی وجہ ہو سکتا ہے۔

مشہور شاہراہوں، مارکیٹ اور مقامات کے قریب زیادہ قیمت والے پلاٹ اور زمین دستیاب ہوگی جبکہ ایک پرہجوم سڑک، قبرستان کے قریب یا زیر تعمیر انفراسٹرکچر پروجیکٹ کے بالکل ساتھ واقع پلاٹ کی قیمت میں فرق ہوگا۔ لہذا، اگر ان عوامل میں سے کوئی بھی آپ کو پریشان نہیں کرتا ہے، تو آپ زمین کے اس قسم کے اختیارات میں سرمایہ کاری کر سکتے ہیں اور اس کی قیمت دیگر جائیدادوں کے مقابلے میں کم ہو سکتی ہے۔

 

گھروں کے متعدد ماڈلز میں سے ایک روشن ماڈل

 

پلاٹ کی حصہ داری

اس کے علاوہ، آپ ایک بڑے پلاٹ کو دو چھوٹے پلاٹوں میں تقسیم کر سکتے ہیں اور اپنے کسی جاننے والے سے اس میں سرمایہ کاری کرنے کو کہہ سکتے ہیں۔ وہ کوئی بھی ہو سکتا ہے، آپ کے خاندان کے افراد، دوست یا رشتہ دار اگر آپ کے پڑوسی ہونے کا خیال آپ کو پریشان نہیں کرتا ہے۔

اس سلسلے میں کوئی بھی فیصلہ کرنے سے پہلے یہ معلوم کریں کہ آیا آپ کے منتخب محلے کی دیکھ بھال کرنے والی اتھارٹی پلاٹوں کی تقسیم کی اجازت دیتی ہے یا نہیں۔ مثال کے طور پر، مختلف معاشروں کی مختلف پالیسیاں اور تعمیراتی ضمنی قوانین ہوتے ہیں۔

 

زمین پر فرش کی تعمیر میں مصروف مزدور

بہترین ممکنہ نرخوں پر تعمیراتی مٹیریل کا حصول

تعمیراتی لاگت کو کم کرنے کا ایک بہترین طریقہ یہ ہے کہ پراجیکٹ شروع کرنے سے قبل مکمل تحقیق کر لی جائے۔ ہو سکتا ہے کہ آپ اپنے گھر کو بہترین تعمیراتی مٹیریل سے تعمیر کرنا چاہیں تاکہ اسے ایک عمدہ شکل اور پائیداری ملے۔

تعمیراتی اخراجات کو کم کرنے کے لیے مٹیریل کے معیار پر سمجھوتہ کرنا سمجھداری نہیں۔ اس کے بجائے، آپ اپنا ہوم ورک پہلے سے مکمل کریں اور مارکیٹ کے ماہرین سے بات کریں۔ مارکیٹ میں دستیاب مخلتف مٹیریل اور ان کے نرخوں کا موازنہ کریں۔

 

فروخت کے لیے رکھی گئی مختلف اینٹوں کی اقسام

تعمیراتی سامان ایک ساتھ خریدیں

فرش کے معاملے پر یکساں فرش کا سامان استعمال کریں۔ تمام بیت الخلاء اور واش رومز میں ایک جیسی ٹائلیں لگائیں۔ یہ تعمیراتی اخراجات کو کم کرنے کے لیے بہترین تجاویز سے ہیں۔ یہ سامان کے ضیاع کو کم کرنے کے ساتھ ساتھ مزدوری کی کل لاگت کو بہتر بنانے میں بھی مدد کرے گا۔

 

فیکٹری میں تعمیراتی سامان کا ذخیرہ

آف سیزن میں تعمیر کریں

تعمیراتی سیکٹر میں سرمایہ کار اور ٹھیکیدار سیزن اور موسم کے مطابق تعمیرات کا آغاز کرتے ہیں۔ کسی بھی گھر یا عمارت کی تعمیر کے لیے گرمیوں کا موسم بہترین ہے جبکہ موسمِ سرما کے دوران کام قدرے کم ہوتا ہے۔ آپ ایسے دنوں اور مہینے کا انتخاب کریں جب آپ کو کم قیمت پر بہترین معمار اور مزدور دستیاب ہوں سکیں۔ سیزن کے عروج پر آپ کو ہمیشہ مزدوری کی بھاری قیمت ادا کرنا ہوگی۔

 

زیرِ تعمیر مکان

 

مؤثر بات چیت

گفتگو اور بات چیت کا فن زندگی کے کسی بھی میدان میں انسان کے لیے اہم کردار ادا کرتا ہے۔ مٹیریل سے متعلق مارکیٹ میں موجود شخص یا پھر ٹھیکیدار۔ یا پھر کوئی ماہر آرکیٹیکٹ، اگر آپ کا اندازِ گفتگو شائستہ اور مہذب ہوگا تو یقیناَ لوگ آپ کی بات توجہ سے سنیں گے اور آپ کو سمجھنے کے ساتھ بہترین معیار کے مٹیریل اور خدمات کی دستیابی کا ذریعہ بھی بنیں گے۔

 

دو کاروباری شخص ہاتھ ملاتے ہوئے

بہترین تجربہ کار معمار

ایک اچھا ٹھیکیدار آپ کو ایک بہترین مشورے سے نواز سکتا ہے۔ آپ اسے ہر اس خصوصیت کی وضاحت کریں جو آپ اپنے نئے گھر میں چاہتے ہیں۔ اور اس کی رائے بھی جانچنے کی کوشش کریں۔ اپنے بجٹ کو واضح طور پر بتانا نہ بھولیں۔ اگر آپ ایسا کرتے ہیں تو وہ اپنے تجربے کی بنیاد پر تعمیراتی لاگت کو کم کرنے کے لیے آپ کو کچھ مفید ٹپس بھی دے سکتا ہے۔ گفتگو کے دوران اہم اور ضروری نکات کو نوٹ کرتے جائیں۔

اگر آپ کو گھر کے ڈیزائن پر منصوبہ بندی کرنے یا کام کرنے کا کوئی تجربہ یا خیال نہیں ہے۔ تو آپ کے لیے اپنے اثاثے کے ساتھ ممکنہ خطرہ مول لینا مناسب نہیں ہوگا۔ بہترین حل یہ ہے کہ آپ اپنے خوابوں کے گھر کو ڈیزائن کرنے میں مدد کے لیے ماہر معمار کی خدمات حاصل کریں۔

 

کاروباری میٹنگ میں مصروف دو افراد

 

اپنے گھر کے ڈیزائن کو سادہ رکھیں

تعمیراتی اخراجات کو کم کرنے کا ایک بہترین طریقہ یہ ہے کہ آپ اپنے گھر کے ڈیزائن کو سادہ رکھیں۔ سادہ گھر کے ڈیزائن کا ایک اور فائدہ یہ ہے کہ یہ ایک رجحان ساز چیز بن گیا ہے۔

جدید فرنٹ کے ساتھ گھر کا سادہ ڈیزائن وہی ہے جو آپ کے رہنے کی جگہ کو سجیلا اور آرام دہ بناتا ہے۔

 

سفید روغن پر مشتمل سادہ ڈیزائن میں گھر کے باہر کا حصہ

کم رقبے پر تعمیر

اگر آپ کا ایک چھوٹا کنبہ ہے تو آپ کو بڑے گھر کی ضرورت نہیں ہوسکتی۔ اس کے بجائے آپ ایک چھوٹا گھر بنا سکتے ہیں۔ یہ ایک ہوشیار اور مؤثر سرمایہ کاری کا فیصلہ ہو سکتا ہے. تعمیراتی اخراجات کو کم کرنے کے لیے زمین یا پلاٹ کے کم حصے پر تعمیر کریں۔ یعنی ضرورت کے مطابق تعمیر کریں یہ حکمت عملی ایک بہتر تجویز ہو سکتی ہے۔ اپنے ڈیزائن کو ہر ممکن حد تک آسان رکھنے کے ساتھ ساتھ  اگر ضرورت نہ ہو تو اضافی منزلیں تعمیر کرنے سے گریز کریں۔

 

کم رقبے پر محیط خوبصورت گھر

 

آرکیٹیکچرل ڈیزائن

ڈیزائنر اور ٹھیکیدار کو ایک ہی مقصد کو مدِ نظر رکھتے ہوئے کام کرنا چاہیے۔ لاگت میں کمی کی تکنیک کے لحاظ سے تمام امکانات کی جانچ کرنے کی ضرورت ہے۔ آرکیٹیکچرل ڈیزائن کے معاملے میں صرف ایک آپشن پر اتفاق کیا جانا چاہیے۔

 

آرکیٹیکٹ پراجیکٹ پر گفتگو کرتے ہوئے

مزید خبروں اور اپڈیٹس کیلئے وزٹ کیجئے گرانہ بلاگ۔

About Farah Rehman

جواب دیں

آپ کا ای میل ایڈریس شائع نہیں کیا جائے گا۔