آئی ایف سی کی تجارتی سرگرمیاں بڑھانے کے لئے پاکستان میں 68 کروڑ ڈالر کی سرمایہ کاری

اسلام آباد: بین الاقوامی مالیاتی ادارے انٹرنیشنل فنانس کارپوریشن (آئی ایف سی) نے گذشتہ مالی سال 2022ء کے دوران پاکستان میں مختلف ترقیاتی منصوبوں اور تجارت کے فروغ کے لیے مختصر اور طویل مدتی فنانسنگ میں مجموعی طور پر 68 کروڑ ڈالر کی سرمایہ کاری کی۔

انٹرنیشنل فنانس کارپوریشن (آئی ایف سی) نے گذشتہ مالی سال کے دوران میں پاکستان میں اپنے تجارتی فنانسنگ پروگرام کا حجم دو گنا بڑھایا تا کہ درآمدای سرگرمیوں کو استحکام اور کورونا جیسے وبائی مرض کے بعد تجارتی سرگرمیوں کی بحالی کو فروغ دیا جا سکے۔

مذکورہ پروگرام تجارتی سرگرمیوں کو فروغ دینے، زراعت اور خوردنی اجناس کے پیداواری شعبوں کو تقویت بخشنے، پبلک پرائیویٹ پارٹنرشپ کے منصوبوں اور صِنفی تنوع کو فروغ دینے کے لیے پاکستان میں متعارف کرایا گیا۔

آئی ایف سی نے پاکستان میں یکم جولائی 2021ء سے 30 جون 2022ء کے درمیان مختصر اور طویل مدتی فنانسنگ میں تقریباً 680 ملین ڈالر کی سرمایہ کاری کی اور اس کو فعال بنایا۔

سرمایہ کاری کے ساتھ ساتھ آئی ایف سی نے پرائیویٹ سیکٹر کی صلاحیتوں کو اجاگر کرنے اور کلیدی شعبوں میں فنانسنگ کی سہولیات کی فراہمی یقینی بنانے کے لیے ایڈوائزری اور اپ اسٹریم پروجیکٹس کا آغاز کیا جن میں دو تاریخی پبلک پرائیویٹ پارٹنرشپ پروجیکٹس بھی شامل ہیں۔

آئی ایف سی نے کراچی میں تقریباً 10 لاکھ لوگوں کو پینے کا صاف پانی فراہم کرنے کے لیے پبلک پرائیویٹ پارٹنرشپ کی تشکیل کے لیے صوبہ سندھ کے ساتھ ایک معاہدے پر دستخط کیے جبکہ کارپوریشن نے خیبرپختونخوا کی حکومت کے ساتھ پبلک پرائیویٹ پارٹنرشپ کے ذریعے 500 بستروں پر مشتمل جدید ترین ہسپتال بنانے میں بھی سرمایہ کاری کی۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔