اسلام آباد کے پراپرٹی ٹیکس میں 200فیصد اضافہ

Islamabad property tax increased by 200 pc

اسلام آباد:          اسلام آباد کے پراپرٹی ٹیکس میں 200 فیصد تک کا اضافہ کر دیا گیا ہے جسکو جمع کرا نے کی آخری تاریخ 30ستمبر ہے۔

میٹروپولیٹن کارپوریشن نے یہ اضافہ پچھلے سال دسمبر میں کر دیا تھا جسکو یکم جولا ئی سے لاگو ہونا تھا، مگر میٹروپولیٹن کارپوریشن اور سی ڈی اے کے مابین باہمی تناو کی وجہ سے یہ نافذالعمل نہ ہو سکا۔ دونوں ادارے ریونیو ڈائریکٹوریٹ کو اپنے اپنے اختیار میں رکھنا چاہتے تھے۔

 اسی کشمکش میں اضافہ شدہ بلز جو کہ اگست میں ملنے چاہیے تھے، صارفین کو پچھلے ہفتے موصول ہوئے جن کی ادائیگی 30ستمبر تک ہونی ہے۔ ایم سی آئی ترجمان کے مطابق پچھلے 18 سالوں سے پراپرٹی ٹیکس میں اضافہ نہیں کیا گیا تھا جو کے اب ناگزیر ہو چکا تھا۔ تاہم صارفین کا کہنا ہے کہ اضافہ نہ کرنا ادارے کی غلطی تھی جس کو عوام بیک وقت 200فیصد اضافے کے بعد بھگت رہے ہیں۔ شہریوں کا مزید کہنا تھا کہ اضافی بلز کی ادائیگی کیلئے نہایت کم وقت دیا گیا ہے۔

About Maham Tahir

جواب دیں

آپ کا ای میل ایڈریس شائع نہیں کیا جائے گا۔