اسلام آباد: وزیر اعظم عمران خان نے کہا ہے کہ حکومت تمام اقلیتوں کے تحفظ کے لیے کوشاں ہے۔سکھ برادری کی سہولت کے لیے کرتار پور راہداری کے آغاز کے لیے اقدامات کیے جارہے ہیں ۔ اسلام آباد میں ایک نجی تقریب سے خطاب کرتے ہوئے اُن کا کہنا تھا کہ نومبر میں بابا گرونانک کی 550 ویں سالگرہ کے موقع پر کرتار پور راہداری کو کھول دیا جائے گا اور پاکستانی حدود میں تمام انتظاما ت جلد مکمل کر لئے جائیں گے۔
