خیبر پختونخوا میں غیر ملکی فنڈز سے 34 ترقیاتی منصوبوں کا آغاز

اسلام آباد: خیبر پختونخوا حکومت کا کہنا ہے کہ غیر ملکی مالیاتی اداروں کے تعاون سے صوبے میں 34 ترقیاتی منصوبے زیر تعمیر ہیں۔

وفاقی وزیر برائے اقتصادی امور عمر ایوب خان نے نیشنل کوآرڈینیشن کمیٹی برائے فارن فنڈڈ پراجیکٹس کے اجلاس کی صدارت کی اور خیبرپختونخوا سمیت بلوچستان کی صوبائی حکومتوں کی جانب سے لگائے جانے والے منصوبوں کا جائزہ لیا۔

خیبر پختونخوا کے منصوبوں کے حوالے سے سیکرٹری اکنامک افیئرز ڈویژن اسد حیاء الدین نے کمیٹی کو بتایا کہ حکومت خیبرپختونخوا کی جانب سے غیر ملکی امداد سے چلنے والے 34 منصوبے زیر تعمیر ہیں جن کے لیے ایشیائی ترقیاتی بینک، یورپی یونین، ورلڈ بینک، چین، فرانس، جرمنی، جاپان، سعودی عرب، برطانیہ اور امریکہ نے 3.6 ارب ڈالر فراہم کیے ہیں۔

ایشیائی ترقیاتی بینک کے ذریعے صاف توانائی کی سرمایہ کاری کے پروگرام تک رسائی پر گفتگو کے دوران خیبر پختونخوا حکومتی حکام کا کہنا تھا کہ 8000 سکولوں میں سے 5946 سکولوں میں سولر سہولیات کی تنصیب مکمل ہو چکی ہے۔

اسی طرح 53 ہیلتھ یونٹس کو سولرائز کیا جا چکا ہے جبکہ باقی 134 ہیلتھ یونٹس کے ٹھیکے دیے جا چکے ہیں اور ان پر کام جاری ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے