خیبر پختونخوا حکومت کی سڑکوں کی بحالیِ نو کے لیے 1 ارب 28 کروڑ روپے کی منظوری

پشاور: خیبر پختونخوا حکومت نے صوبے کے زیر انتظام اضلاع کو ملانے والی سڑکوں سمیت دیگر مواصلاتی منصوبوں کی بحالیِ نو کے لیے 1 ارب 28 کروڑ روپے کے فنڈز کی منظوری دے دی ہے۔

خیبر پختونخوا حکومت کے مطابق منظور شدہ منصوبوں کے پہلے مرحلے میں خیبر ایجنسی میں سراج الدین مدرسہ سے جان خان گاؤں کو ملانے والی سڑک کی بحالیِ نو کے لیے 38 کروڑ روپے، ضلع اورکزئی میں 7.8 کلومیٹر طویل سڑک کی بحالیِ نو کے لیے 34 کروڑ روپے جبکہ جنوبی وزیرستان میں وانا سے ٹانک تک 52 کلومیٹر طویل سڑک کی مرمت کے لیے 2 کروڑ روپے کے فنڈز منظور کیے گئے ہیں۔

خیبر پختونخوا کے صوبائی وزیرِ اطلاعات کے معاون خصوصی کامران بنگش کا کہنا ہے کہ خیر پختونخوا حکومت بین الاضلاعی سڑکوں کی تعمیر اور بحالیِ نو کے منصوبوں کی جلد تکمیل کے لیے پُر عزم ہے۔

ان کا کہنا ہے کہ پروینشیل ڈویلپمنٹ ورکنگ پارٹی (پی ڈی ڈبلیو پی) وزیر اعلیٰ خیرپختونخوا کی ہدایات پر پہلے ہی ان منصوبوں کی منظوری دے چکی ہے جبکہ ان منصوبوں پر تعمیراتی کاموں کا آغاز بھی کر دیا گیا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔