کے پی کے میں سستے گھروں کی فراہمی کیلئے منصوبے کی منظوری

پشاور: صوبائی کابینہ نے خیبر پختونخواہ کے مضافاتی علاقوں میں سستے گھروں کی تعمیر کے منصوبوں کی منظوری دے دی گئی۔

صوبائی کابینہ کے اجلاس کے بعد پریس کانفرنس کرتے ہوئے وزیر اعلی خیبر پختونخواہ کے معاون خصوصی برائے اطلاعات کامران بنگش کا کہنا تھا کہ مضافاتی علاقوں میں لوگوں کو سستے گھروں کی فراہمی کے سلسلے میں ایک اہم قدم کے طور پر کابینہ کے سامنے پیری اربن پراجیکٹ کا ورکنگ پلان پیش کیا گیا جس کے تحت ماہانہ 50 ہزار آمدنی والے لوگوں کو اپنے گھروں کی تعمیر کیلئے ساڑھے تین مرلے کے پلاٹس معمولی قیمت پر دیئے جائیں گے۔

انہوں نے کہا کہ گھروں کی تعمیر کیلئے آسان شرائط اوراقساط پر 14 لاکھ روپے کے بینکوں سے قرضے بھی دلائے جائیں گے اور وفاقی حکومت اس سلسلے میں تین لاکھ روپے کی سبسڈی بھی دے گی۔

کامران بنگش کا کہنا تھا کہ کابینہ نے ابتدائی طور پر چارسدہ میں دستیاب سرکاری اراضی پر یہ اسکیم شروع کرنے کی منظوری دیدی ہے۔

اجلاس میں اس پراجیکٹ پر عملدرآمد کیلئے مجوزہ اسٹیئرنگ کمیٹی میں چار کابینہ اراکین کو بھی شامل کرنے کا بھی فیصلہ کیا گیا جو صوبے کے دیگر اضلاع میں بھی موزوں سرکاری اراضی کی نشاندہی کے علاوہ اس سکیم پر تیز رفتار عملدرآمد کیلئے قابل عمل تجاویز پیش کرے گی۔

مزید خبروں اور اپڈیٹس کے لیے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔