ایل ڈی اے کا غیر قانونی تعمیرات کے خلاف اپریشن

لاہور: لاہور ڈویلپمنٹ اتھارٹی کے ڈائریکٹر جنرل احمد عزیز تارڑ کی ہدایت پر چیف ٹاؤن پلانر طاہر میو کی زیرنگرانی ٹائون پلاننگ زون فائیو نے رائے ونڈ روڈ ‘ایونیو ون ‘پائن ایونیو اور سفاری روڈ پر غیرقانونی تعمیرات کے خلاف گرینڈ آپریشن کر کے متعدد عمارتیں مسمار اور سربمہر کردیں۔

ایل ڈی اے کے عملے نے رائے ونڈ روڈ پر بھی 14 غیرقانونی دکانیں اور ایک عمارت مسمار کر دی ہیں۔

ایک غیر قانونی زیر تعمیر عمارت سربمہر بھی کی گئی ہے جبکہ ایل ڈی اے ایونیو ون میں بنائی جانے والی ایک غیر قانونی عمارت مسمار کی گئی۔ پائن ایونیو اور سفاری روڈ پر دو غیر قانونی تعمیرات مسمار کر دی گئیں۔

آپریشن میں ٹائون پلاننگ زون فائیو‘انفورسمنٹ عملے سمیت پولیس کی بھاری نفری نے حصہ لیا۔اس موقع پر چیف ٹاؤن پلانر ایل ڈی اے طاہر میونے کہا کہ غیر قانونی تعمیرات کے خلاف بھرپور آپریشن جاری رہے گا۔

قبضہ مافیا سرکاری اراضی پر ازخود قبضہ ختم کر دے ورنہ ان کے خلاف قانونی کارروائی کی جائے گی۔

مزید خبروں اور اپڈیٹس کے لیے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔