ایل ڈی اے نے پرائیویٹ ہاؤسنگ اسکیم میں غیر قانونی تعمیرات مسمار کر دیں

لاہور: لاہورڈویلپمنٹ اتھارٹی کے ڈائریکٹر جنرل احمد عزیز تارڑ کی ہدایت پر شعبہ پرائیویٹ ہاؤسنگ سکیمز کے عملے نے فیروزپور روڈ پر واقع پاک عرب ہاؤسنگ  سکیم میں کارروائی کر کے مفاد عامہ کی جگہ اور رہن شدہ پلاٹوں پرقائم غیر قانونی تعمیرات مسمارکر دیں۔

کارروائی کے دوران آٹھ غیر قانونی تعمیرات مسمار کی گئیں۔ آپریشن کی نگرانی ڈائریکٹر پرائیویٹ ہاؤسنگ  سکیمز عبدالرؤف کر رہے تھے۔

ڈائریکٹر جنرل ایل ڈی اے احمد عزیز تارڑ کا اس حوالے سے کہنا تھا کہ غیر قانونی تعمیرات اور کمرشل سرگرمیوں کی مکمل سرکوبی تک ان کے خلاف کارروائیاں جاری رہیں گی۔ ایل ڈی اے کی حدود میں کسی قسم کے غیر قانونی عمل کو برداشت نہیں کیا جائے گا۔

ڈائریکٹر پرائیویٹ ہاؤسنگ  سکیمز عبدالرؤف نے کہا کہ تمام زونز میں غیر قانونی تعمیرات کے خلاف کاروائیاں جاری رہیں گی۔ شہری کسی بھی رہائشی سکیم میں مفاد عامہ کہ جگہ اور رہن شدہ پلاٹ مت خریدیں۔

انہوں نے کہا کہ پرائیویٹ رہائشی سکیموں میں پلاٹ خریدنے سے پہلے اس سکیم اورپلاٹ کی قانونی حیثیت کے بارے میں ایل ڈی اے سے معلومات ضرور حاصل کر لیں۔

مزید خبروں اور اپڈیٹس کیلئے وزٹ کیجئے گرانہ بلاگ

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔