لاہور: لاہور ڈیویلپمنٹ اتھارٹی (ایل ڈی اے) نے نیا پاکستان ہاؤسنگ اسکیم کے تحت 650 مربع فٹ سنگل اسٹوری ہاؤسنگ یونٹ کی قیمت 3.855 ملین سے 2.224 ملین تک کم کر دی۔
پہلے مرحلے میں ایل ڈی اے اپنے ممبران کے لیے 4 ہزار تک رہائشی یونٹس کی تعمیر کرے گی۔
اتھارٹی نے 9.9 ارب کے اس منصوبے کا پی سی ون منظور کر لیا ہے۔
ایل ڈی اے کے گورننگ باڈی کے حالیہ اجلاس میں ایل ڈی اے سٹی ہاؤسنگ سکیم میں تعمیر ہونے والے ان رہائشی یونٹس کی تعمیر پر بات ہوئی۔
یہ فیصلہ کیا گیا کہ 8500 کنال پر 35 ہزار رہائشی اپارٹمنٹس 3 سال میں تعمیر کیے جائیں گے۔
اپارٹمنٹ کمپلیکس کی تعمیر کے علاوہ ایل ڈی اے کے ذریعہ منسلک بنیادی ڈھانچے کی سہولیات جیسے سڑکیں، پانی کی فراہمی کا نظام، سیوریج اور نکاسی آب کا نظام، بجلی، زمین کی تزئین اور باغبانی کے کام وغیرہ بھی انجام دیئے جائیں گے۔
پراجیکٹ کے انجینرنگ ڈیزائین کے لیے تکنیکی کنسلٹنٹ کی تقرری کا عمل بھی مکمل کر لیا گیا ہے۔
مزید خبروں اور اپڈیٹس کے لئے وزٹ کیجئے گرانہ بلاگ۔
