لاہور: لاہور ڈیویلپمنٹ اتھارٹی (ایل ڈی اے) نے یہ فیصلہ کیا ہے کہ لاہور ڈویژن میں تعلیمی اور صحت کے مراکز کی حوصلہ افزائی کے لیے اُنھیں آدھی کمرشل فیس معاف کی جائے گی۔
ایل ڈی اے کے وائس چیئرمین ایس ایم عمران کا کہنا تھا کہ وزیرِ اعلیٰ کی ہدایات پر یہ قدم لیا گیا تاکہ شہر میں تعلیم اور صحت کا فروغ ہو۔
اُن کا کہنا تھا کہ آدھی فیس معاف کردی گئی ہے اور جو آدھی فیس لی جائے گی اُسے بھی دو کے بجائے اب تین سال میں لیا جائے گا۔
اُن کا کہنا تھا کہ نجی ہاؤسنگ سوسائٹیوں میں سکولوں اور ہسپتالوں کی مختص کردہ جگہ تبدیل کرنے کی اجازت نہیں ہوگی۔
اُنہوں نے کہا کہ ایل ڈی اے کے لینڈ یوز قوانین 2020 کے مطابق پرائمری اور سیکنڈری اسکول، یونیورسٹیاں اور ہسپتال اب ایل ڈی اے کی اجازت سے کھول سکتے ہیں۔
مزید خبروں اور اپڈیٹس کے لئے وزٹ کیجئے گرانہ بلاگ۔
