اسلام آباد: وزارتِ داخلہ کے ماتحت ڈیپارٹمنٹل ڈیویلپمنٹ ورکنگ پارٹی نے سی ڈی اے کا تیار کردہ پشاور موڑ سے اسلام آباد ایئرپورٹ تک میٹرو بس کی ایکسٹینشن کا پی سی ون منظور کرلیا۔
پی سی ون کے تحت سی ڈی اے کو 30 بسیں خریدنا ہوں گی جن کے فنڈز کا معاملہ وفاقی حکومت کے سامنے رکھا جائے گا۔
پی سی ون کے مطابق میٹرو بس سروس کا تمام تر انتظام سی ڈی اے کے سپرد ہوگا۔ میٹرو بس کا 25.6 کیلومیٹر کا ٹریک 16 ارب کی لاگت سے تکمیل کے قریب ہے اور مکمل ہونے کے بعد این ایچ اے اسے سی ڈی اے کے حوالے کرے گی۔
سی ڈی اے کے ذرائع کا کہنا ہے کہ آئی ٹی سامان کو نصب کرنے اور نئی بسوں کی خریداری میں وقت درکار ہوگا جس کی وجہ سے حتمی تاریخ کے بارے میں کچھ کہنا قبل از وقت ہے۔
پرائیویٹ ٹرانسپورٹرز سے مذاکرات کی ناکامی پر سی ڈی اے اب پنجاب میٹرو اتھارٹی سے بھی رابطہ کرے گی۔
یاد رہے کہ رواں سال کے آغاز میں وزیرِ اعظم نے سی ڈی اے کو بسوں کے انتظام اور سروس کی ایکسٹینشن کی ہدایت
کی تھی۔
مزید خبروں اور اپڈیٹس کے لیے وزٹ کیجئے گرانا بلاگ۔
