اسلام آباد: نیشنل ڈیزاسٹر مینجمنٹ اتھارٹی نے پی ڈی ایم اے پنجاب کو سیلاب کے خطرے والے علاقوں میں قبل از وقت وارننگ اور فوری ردعمل کو یقینی بنانے کی ہدایت کی ہے۔
تفصیلات کے مطابق نیشنل ڈیزاسٹر مینجمنٹ اتھارٹی نے پی ڈی ایم اے، پنجاب کو ہدایت جاری کرتے ہوئے دریائے چناب، راوی، ستلج اور ان کے نالوں کے کنارے حفاظتی انتظامات کی ہدایات کی ہیں۔ نیز سیلاب کے خطرے والے علاقوں میں قبل از وقت وارننگ، فوری ردعمل اور انخلاء کو یقینی بنانے کی ہدایات ہیں۔ این ڈی ایم اے نے یہ ہدایات ان دریاؤں میں درمیانے درجے کے سیلاب کے خطرے کے پیش نظر جاری کی ہیں۔
مزید یہ کہ این ڈی ایم اے نے ضلعی انتظامیہ کو شہری علاقوں کے لیے ہنگامی ٹریفک پلان یقینی بنانے کی ہدایات کی ہیں۔جو سیلاب کے خطرے سے دوچار ہیں۔
یاد رہے کہ بھارت کی جانب سے پانی چھوڑنے کے بعد دریاؤں میں پانی کے بہاؤ میں اضافہ ہو رہا ہے۔ اور سیلاب کے خطرے کے پیشِ نظر کناروں پر موجود آبادیوں کو خطرہ لاحق ہے۔ اور ان علاقوں سے لوگوں کی نقل مکانی کا سلسلہ جاری ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
