اسلام آباد میں نئے ہائیکنگ ٹریلز بنانے کا فیصلہ

اسلام آباد: اسلام آباد وائلڈ لائف منیجمنٹ بورڈ کے ممبر وقار زکریا کا کہنا ہے کہ شہر میں نئے ہائیکنگ ٹريلز کے پی سی ون پر کام جاری ہے اور ان کی باقاعدہ تعمیر پر کام جلد شروع کیا جائے گا۔

invest with imarat

Islamabad’s emerging city centre

Learn More

اُن کا کہنا تھا کہ موجودہ ٹریلز کی حالت کو بہتر بنایا جائے گا جب کہ نئے ٹریلز کی تعمیر بھی کی جائے گی۔

تفصیلات کے مطابق شہر میں ابھی چھے ہائیکنگ ٹریلز ہیں تاہم اسلام آباد وائلڈ لائف منیجمنٹ بورڈ کے پاس اتنی افرادی قوت نہیں کہ سب کا خیال رکھا جا سکے۔

ابھی وائلڈ لائف منیجمنٹ بورڈ کے پاس 30 سے بھی کم افرادی قوت ہے تاہم نئی بھرتیوں پر کام جاری ہے۔

وائلڈ لائف منیجمنٹ بورڈ کی نئی چیئر پرسن کا کہنا ہے کہ نئے ٹریکس پر کام جلد شروع ہوگا اور سی سی ٹی وی کیمروں کی جگہ بہتر پیٹرولنگ کے لیے گارڈز کی موجودگی یقینی بنائی جائے گی۔

سی ڈی اے کی ویب سائٹ کے مطابق ٹریل ون پر آنے والوں کو کم سے کم دو گھنٹے پیر سوہاوہ روڈ کے ٹاپ ٹرمینل تک پہنچنے میں لگتے ہیں۔

لوگوں کی ایک بڑی تعداد خاص طور پر ویک اینڈ پر ان ٹریلز کا رُخ کرتی ہے۔ مقامی لوگوں کے علاوہ سفارت کاروں سمیت غیر ملکی بھی وہاں باقاعدگی سے آتے ہیں۔

ٹریلز ابھی اسلام آباد وائلڈ لائف منیجمنٹ بورڈ اور کیپیٹل ڈویلپمنٹ اتھارٹی کے زیرِ انتظام ہیں۔

 

مزید خبروں اور اپڈیٹس کے لئے وزٹ کیجئے گرانہ بلاگ۔

invest with imarat Islamabad’s emerging city
centre
Learn More
Scroll to Top
Scroll to Top