اوپیک فنڈ کا مہمند ڈیم منصوبے کے لیے 7 کروڑ 20 لاکھ ڈالر قرض کی فراہمی کا اعلان

اسلام آباد: وزارتِ اقتصادی اُمور کی جانب سے جاری  بیان میں کہا گیا ہے کہ اوپیک فنڈ برائے بین الاقوامی ترقی مہمند ڈیم کی لیے 7 کروڑ 20 لاکھ ڈالر کا قرض فراہم کرے گا۔

مہمند ڈیم پروجیکٹ کی فنانسنگ کے لیے 7 کروڑ 20 لاکھ ڈالر قرض کے معاہدے پر پاکستان کے آسٹریا میں سفیر آفتاب احمد کھوکھر اور اوپیک فنڈ کے ڈائریکٹر جنرل عبدالحامد الخلیفہ نے دستخط  کر دیے ہیں۔

مہمند ڈیم پر سعودی فنڈ فار ڈویلپمنٹ، اسلامک ڈویلپمنٹ بینک، کویت فنڈ فار ڈویلپمنٹ اور اوپیک فنڈ مل کر  قرض فراہم کر  رہے ہیں۔

معاشی ماہرین کے مطابق قرض کی فراہمی عالمی اداروں کے پاکستان پر بڑھتے ہوئے اعتماد کی علامت ہے۔

حکومتی اہداف کے مطابق مہمند ڈیم ہائیڈرو پاور پروجیکٹ کو 2025ء تک مکمل کر لیا جائے گا۔

ڈیم میں 1.293 ملین ایکڑ فٹ پانی ذخیرہ کیا جا سکے گا جبکہ پشاور کے شہریوں کو پینے کا صاف پانی وافر مقدار میں میسر آئے گا۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔