اسلام آباد: یوم پاکستان 23 مارچ کے موقع پر شیڈول پریڈ موسم کی خرابی کے باعث ملتوی کر دی گئی ہے۔ یہ پریڈ اب 25 مارچ کو منعقد کی جائے گی۔
پاک فوج کے شعبہ تعلقات عامہ آئی ایس پی آر کی جانب سے جاری بیان میں کہا گیا ہے کہ ’’موسم کی خرابی اور اگلے دو روز تک بارش کی پیش گوئی کے باعث یوم پاکستان پریڈ ری شیڈول کر دی گئی ہے‘‘۔
یاد رہے کہ پاکستان کی مسلح افواج قرار داد پاکستان کی مناسبت سے پریڈ اور دفاعی طاقت کی نمائش کرتی ہے ۔جسے یوم پاکستان پریڈ کہا جاتا ہے۔
مزید یہ کہ یوم پاکستان کی رنگا رنگ تقریب میں بری، بحری اور فضائی افواج کی جانب سے اپنی مہارت کا شان دار مظاہرہ کیا جاتا ہے۔ اور پاکستان کے دفاعی ساز و سامان کی بھی نمائش کی جاتی ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
