وزیرِ اعظم آج پشاور بی آر ٹی کا افتتاح کریں گے

پشاور: وزیرِ اعظم عمران خان آج خیبر پختونخواہ حکومت کے فلیگ شپ پراجیکٹ بس ریپیڈ ٹرانزٹ کا پشاور میں افتتاح کریں گے۔

وہ ایک روزہ دورے پر پشاور جائیں گے جہاں چمکنی اسٹیشن سے اس اہم منصوبے کا افتتاح ہوگا۔

وفاقی وزراء اور گورنر سندھ عمران اسماعیل بھی وزیرِ اعظم کے ہمراہ ہوں گے۔

وزیرِ اعلیٰ خیبر پختونخواہ محمود خان اور گورنر خیبر پختونخواہ شاہ فرمان اُن کا استقبال کریں گے۔

وزیرِ اعلیٰ کے پی کے معاون خصوصی برائے اطلاعات کامران بنگش کا کہنا ہے کہ اس پراجیکٹ کی لاگت 70 ارب روپے ہے جبکہ اس کا ٹریک 27 کلومیٹر ہے۔

اُن کا کہنا تھا کہ پراجیکٹ 31 اسٹیشنوں پر مشتمل ہے جس سے شہر کے لوگوں کو آمد و رفت میں آسانی ہوگی۔ فیڈر روٹس کی لمبائی 62 کلومیٹر ہے جبکہ اس کے 146 اسٹاپس ہیں۔

مرکزی ٹریک شہر کے سات مختلف علاقوں سے منسلک ہے تاکہ لوگ اپنے علاقوں سے چھوٹی بسوں میں سفر کر کے یہاں مین روٹ تک پہنچ سکیں۔

مزید خبروں اور اپڈیٹس کے لیے وزٹ کیجئے گرانا بلاگ۔

About Maham Tahir

جواب دیں

آپ کا ای میل ایڈریس شائع نہیں کیا جائے گا۔