اسلام آباد: وزیراعظم عمران کا کہنا ہے کہ سنٹرل بزنس ڈسٹرکٹ منصوبے سے ملک میں 100 ارب روپے کی سرمایہ کاری آنے کا امکان ہے جبکہ ترقیاتی منصوبے شہریوں کی سہولت اور معاشی ترقی کے لیے شروع کیے ہیں۔ حکومت غیر فعال اثاثوں کو سرمایہ کاری کے قابل بنا رہی ہے۔
وزیراعظم عمران خان کی زیر صدارت ایک اہم اجلاس منعقد ہوا جس میں وزیر اعظم کو بریفنگ میں بتایا گیا کہ سینٹرل بزنس ڈسٹرکٹ کے پہلے مرحلے میں 100 ارب روپے کی سرمایہ کاری متوقع ہے۔
وزیر اعظم نے کہا ہے کہ حکومت غیر فعال اثاثوں کو سرمایہ کاری کے قابل بنا رہی ہے۔ ان کا کہنا تھا کہ سینٹرل بزنس ڈسٹرکٹ اور راوی اربن ڈویلپمنٹ منصوبے لاہور اور ملک کے مستقبل کے لیے اہم ہیں۔ منصوبوں میں ماحول دوست مٹیریل کا استعمال کیا جائے۔
وزیراعظم عمران خان نے ہدایات جاری کیں کہ غیر قانونی تجاوزات اور غیر قانونی ہاؤسنگ سوسائٹیز کے خلاف قانونی کارروائی عمل میں لائی جائے۔
مزید خبروں اور اپڈیٹس کیلئے وزٹ کیجئے گرانہ بلاگ۔
