گندھارا ویلی پراجیکٹ سے متعلق پراجیکٹ مینجمنٹ یونٹ کی منظوری دے دی گئی

پشاور: خیبرپختونخوا حکومت نے صوبے کے سب سے بڑے رہائشی منصوبے گندھارا ویلی سٹی پر عمل درآمد کے سلسلے میں ایک اہم پیشرفت کے طور پر پراجیکٹ مینجمنٹ یونٹ کے قیام کی باقاعدہ منظوری دے دی ہے تاکہ اس مجوزہ منصوبے پر جلد سے جلد عملی پیشرفت کا آغاز کیا جا سکے۔

وزیراعلیٰ خیبر پختونخوا محمود خان نے مذکورہ پراجیکٹ مینجمنٹ یونٹ کے قیام کیلئے کلیدی عہدوں پر بلا تاخیر تعیناتیاں عمل میں لانے کیلئے پشاور ڈویلپمنٹ اتھارٹی کو آسامیاں جلد سے جلد مشتہر کرنے اور بھرتیوں کے عمل کو کم سے کم ممکنہ وقت میں مکمل کرنے کیلئے ٹائم لائنز مقرر کرنے کی ہدایت کی ہے۔

وزیراعلیٰ خیبر پختونخوا  کی زیر صدارت اجلاس میں بتایا گیا کہ مجوزہ گندھارا ویلی سٹی 108000 کنال رقبے پر محیط ہو گی جو رہائشی اور تجارتی حصوںکے علاوہ میڈیا انکلیو اور پراونشل سیکرٹریٹ پر مشتمل ہو گا جہاں شہری زندگی کی تمام تر جدید سہولیات دستیاب ہو ں گی۔

گندھارا ویلی سٹی کیلئے لینڈ شیئرنگ فارمولے کے تحت زمین کی خریداری کا عمل شروع کر دیا گیا ہے جبکہ منصوبے کی ماسٹر پلاننگ کی تیاری کیلئے کنسلٹنٹ کی خدمات حاصل کی گئی ہیں اور اگلے سال اپریل تک منصوبے کا ماسٹر پلان تیار کیا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے