وزیراعظم شہباز شریف کا چینی تعاون سے جاری ترقیاتی منصوبوں کی جلد تکمیل کا عزم

اسلام آباد: وزیراعظم شہباز شریف نے کا چینی تعاون سے ملک میں جاری ترقیاتی منصوبوں کی جلد تکمیل کے عزم کا اظہار کرتے ہوئے کہا ہے کہ چینی تعاون سے جاری منصوبوں کو تعطل کا شکار نہیں ہونے دیں گے۔

وزیرِاعظم شہباز شریف سے شنگھائی الیکٹرک کے صدر لیو پِنگ کی قیادت میں چینی وفد نے ملاقات کی ہے۔

ملاقات میں وزیرِاعظم کو بتایا گیا کہ 1320 میگاواٹ تھرکول پاور پراجیکٹ گذشتہ سالوں میں تعطل کا شکار رہا مگر موجودہ حکومت کے دور میں اس پر تیزی سے کام جاری ہے۔

اس موقع پر وزیراعظم نے کہا کہ چین پاکستان اقتصادی راہداری پاکستان کی ترقی اور یہاں کے لوگوں کی بہبود میں اہم کردار ادا کر رہی ہے جبکہ چینی تعاون و سرمایہ کاری کی بدولت پاکستان میں انفراسٹرکچر، پبلک ٹرانسپورٹ کی ترقی اور بجلی کے بحران پر کافی حد تک قابو پانے میں مدد ملی ہے۔

انہوں نے کہا کہ حکومت چینی کمپنیوں کے ساتھ تعاون اور سرمایہ کاری بڑھانے کیلئے سنجیدگی سے اقدامات کر رہی ہے جبکہ چینی کمپنیوں کے انجینئرز اور مزدوروں کے تحفظ کیلئے تمام تر ضروری اقدامات اٹھائے جا رہے ہیں۔

انہوں نے مزید کہا کہ چینی کمپنیوں نے پاکستان میں برق رفتاری سے منصوبوں کی تکمیل یقینی بنائی جو قابلِ ستائش ہے۔

اس موقع پر وزیرِاعظم نے تھرکول پراجیکٹ کی جلد تکمیل میں چینی کمپنی شنگھائی الیکٹرک کے ساتھ معاونت کیلئے معاونِ خصوصی ظفر الدین محمود اور ایڈیشنل سیکٹری ندیم چوہدری کو نمائندہِ خصوصی کی ذمہ داری سونپ دی ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔