لاہور: پنجاب حکومت کا کہنا ہے کہ رواں مالی سال کے دوران سالانہ ترقیاتی پروگرام میں 85 ارب روپے کا اضافہ ریکارڈ کیا گیا جو کہ صوبائی مالیاتی امور کے لیے خوش آئند ہے۔
پنجاب کے صوبائی وزیر خزانہ مخدوم ہاشم جواں بخت نے کہا ہے کہ ترقیاتی پروگرام کے فنڈز میں اضافے کے بعد سالانہ ترقیاتی فنڈز کا حجم 646 ارب تک پہنچ گیا ہے۔
وزیر خزانہ پنجاب کا کہنا ہے کہ ترقیاتی فنڈز میں اضافے سے محکموں کی کارکردگی میں نمایاں تبدیلی نظر آئے گی انہوں نے محکمہ خزانہ پنجاب اور پلاننگ اینڈ ڈویلپمنٹ ڈیپارٹمنٹ کو ہدایات جاری کیں کہ وہ فنڈز کے موثر استعمال کو یقینی بنائیں۔
چئیرمن پلاننگ اینڈ ڈویلپمنٹ نے اضافی شدہ فنڈز کے درست استعمال کی یقین دہانی کروائی ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
