لاہور: پنجاب کابینہ نے مزید دو نیشنل پارکس کے قیام کا نوٹیفکیشن جاری کرنے کی منظوری دے دی۔
ایک نیشنل پارک فتح جنگ کے قریب خیری مورٹ 8,740 ایکڑ پر اور دوسرا کھاریاں کے قریب پبی میں 38,874 ایکڑ پر قائم ہوں گے۔ اِس کے ساتھ ہی لال سوہانرا نیشنل پارک کی اراضی میں بھی توسیع کی جائے گی۔
اِن علاقوں میں جنگلی حیات کی حفاظت اور پرورش پر دو ذیلی تنظیمیں کام کریں گی۔
محکمہ وائلڈ لائف کے عہدیداروں کے بقول صوبے میں چار نیشنل پارکس موجود ہیں جن میں لال سوہانرا نیشنل پارک، مری کہوٹہ، کوٹلی ستیاں اور کالا چٹا نیشنل پارکس ہیں۔
انہوں نے کہا کہ دونوں قومی پارکس محکمہ جنگلات کی زمین پر تعمیر کیے جائیں گے۔
مزید خبروں اور اپڈیٹس کے لیے وزٹ کیجئے گرانا بلاگ۔
