راولپنڈی رنگ روڈ کے نظر ثانی شدہ منصوبے کے لیے اراضی کے حصول کی منظوری

راولپنڈی: پنجاب پلاننگ ڈیولپمنٹ بورڈ نے رنگ روڈ کے نظرثانی شدہ منصوبے کے لیے اراضی کے حصول کے علاوہ منصوبے کی ابتدائی لاگت 6.7 ارب روپے کی منظوری دے دی ہے۔

منصوبے کے اعلان پر صوبائی حکومت نے رنگ روڈ کی تعمیر کے لیے 38 کروڑ روپے مالیت کی اراضی کی خریداری کی تھی تاہم بعد ازاں اس منصوبے پر عارضی طور پر عملدرآمد روک دیا گیا تھا۔

راولپنڈٰی کی ضلعی انتظامیہ کے مطابق صوبائی حکومت نے مقامی انتظامیہ کو رنگ روڈ کے نئے روٹ کو مدِ نظر رکھتے ہوئے اراضی کی خریداری کے احکامات جاری کیے ہیں۔

حکام کا کہنا ہے کہ رنگ روڈ کا مجوزہ 38.3 کلومیٹر طویل نیا روٹ روات کے قریب بانتھ سے شروع ہو کر موٹروے کے قریب ٹھلیاں پر اختتام پذیر ہو گا۔

راولپنڈی کی ضلعی انتظامیہ کے مطابق اتوار کے روز راولپنڈٰی ڈیولپمنٹ اتھارٹی کے دفتر میں تمام پٹواریوں کا اجلاس طلب کیا گیا تھا جس میں پٹواریوں سے آر ڈی اے کے زیر انتظام دستیاب اراضی کی تفصیلات طلب کر لی گئیں۔

راولپنڈی ڈیولپمنٹ اتھارٹی کے مطابق مذکورہ منصوبے کے لیے فنڈز صوبائی حکومت فراہم کرے گی جبکہ اس منصوبے کو صوبائی ترقیاتی بجٹ کے تحت مختص رقم سے تعمیر کیا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔

About Zeeshan Javaid

جواب دیں

آپ کا ای میل ایڈریس شائع نہیں کیا جائے گا۔