لاہور: پنجاب حکومت نے صنعتی سیکٹر کے لیے نو آبجیکشن سرٹیفکیٹ کے حصول اور معتدد ضروریات کے لیے ون ونڈو آپریشن کے آغاز کے لیے آن لائن پورٹل کا اجراء کردیا ہے۔
صوبائی وزیر میاں محمود الرشید کا کہنا تھا کہ تعمیراتی صنعت کے لیے منصوبوں کے این او سی کا حصول اس سے آسان کبھی نہیں تھا۔
وزیرِ اعلیٰ عثمان بزدار کے مطابق آن لائن پورٹل کا اجراء ڈیجیٹل پاکستان اور ای گورننس کی جانب ایک قدم ہے جس سے صوبے میں کاروبار کرنے میں آسانی کا ماحول ہوگا۔
اُن کا کہنا تھا کہ تمام سسٹم کو ڈیجیٹل کردیا گیا ہے، نقشوں کے حصول کے لیے 30 دن جبکہ لینڈ یوز این او سی 45 دنوں کے اندر جاری کیا جاتا ہے۔ ہاؤسنگ سوسائٹی کا این او سی 60 سے 75 دنوں میں جاری کیا جاتا ہے۔
اُنہوں نے کہا کہ نقشوں کی منظوری، تکمیل کے سرٹیفکیٹ، لینڈ یوز اور پرائیویٹ ہاؤسنگ کے این او سی اب ایک ہی چھت تلے دستیاب ہیں۔
مزید خبروں اور اپڈیٹس کے لئے وزٹ کیجئے گرانہ بلاگ۔
