راولپنڈی: راولپنڈی ڈویلپمنٹ اتھارٹی کے میٹرو پولیٹن اینڈ ٹریفک انجینئرنگ ڈائریکٹوریٹ نے مختلف اداروں کو مراسلہ جاری کر دیا۔
تفصیلات کے مطابق شہر اور چھاؤنی میں غیر قانونی نجی ہاؤسنگ سوسائٹیز کی تشہیر سے متعلق آر ڈی اے کے میٹرو پولیٹن اینڈ ٹریفک انجینئرنگ ڈائریکٹوریٹ نے مختلف اداروں کو مراسلہ بھیج دیا ہے۔ مراسلہ کنٹونمنٹ بورڈ اور پارکس اینڈ ہارٹی کلچر اتھارٹی کے سربراہان کو لکھا گیا ہے۔ نیز ضلع کونسل راولپنڈی سمیت تحصیل میونسپل کارپوریشن کے سربراہان کو بھی مراسلہ لکھا گیا۔
علاوہ ازیں، مراسلے میں لکھا گیا ہے کہ آپ کے زیرِ انتظام علاقوں میں نجی غیر قانونی ہاؤسنگ سوسائٹیز تشہیر کررہی ہیں۔ تاہم کسی بھی تشہیری اجازت سے قبل آرڈی اے کے متعلقہ ڈائریکٹوریٹ سے سوسائٹی کا سٹیٹس معلوم کیا جائے۔ این او سی کے بغیر کوئی بھی ہاؤسنگ سوسائٹی تشہیر نہیں کرسکتی۔
مراسلے کے مطابق غیر قانونی طور پر کی گئی تشہیر آر ڈی اے کے پرائیویٹ ہاؤسنگ سکیم رولز 2021 کی خلاف ورزی ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
